Ռուսաստանի ժողովրդական արտիստ Դմիտրի Նազարովը, տպավորված լինելով Յուրա Մովսիսյանի դեբյուտով, պատկերավոր կերպով անվանել է նրան Մեսսիսյան:
Յուրա Մովսիսյանը, որը «Սպարտակ»-«Թերեկ» խաղում դարձել է հեթ-տրիկի հեղինակ, խոստովանել է, որ գոլերը նվիրում է երեխաներին ու ընտանիքին. «Բոլորին, ով հավատում էր ինձ ու սատարում»:
Ֆուտբոլիստը հավելել է, որ մթնոլորտը «Լուժնիկի» ստադիոնում ուղղակի ֆանտաստիկ է եղել:
«Առաջին անգամ զգացի «Սպարտակի» երկրպագուների աջակցությունը: Դա յուրահատուկ բան է»,-Մովսիսյանի խոսքն է մեջբերում «Սպարտակի» պաշտոնական կայքը: