2013-ի հունվարին Հայաստանի բանկային համակարգի միջոցով ֆիզիկական անձանց ոչ կոմերցիոն նպատակներով փոխանցվել են 83 մլն դոլարի դրամական միջոցներ: Ինչպես հաղորդվում է Հայաստանի Կենտրոնական բանկի ամենամյա տեղեկատուում, այդ ցուցանիշը 2012-ի նույն շրջանի համեմատ ավելացել է 10,9 տոկոսով:

Հաշվետու շրջանում Հայաստանից արտասահման փոխանցումների ծավալը կազմել է 20 մլն դոլար, իսկ 2013թ. հունվարին զուտ մուտքերի գումարը կազմել է 62 մլն դոլար:

Մաքուր փոխանցումների ամենամեծ ծավալն իրականացվել է Ռուսաստանից` 54,9 մլն դոլար, հետո ԱՄՆ-ից` 2 մլն դոլար, Ղազախստանից` 1,3 մլն դոլար, Ֆրանսիայից` 674 հազար դոլար: