ՀՀ ԱԺ նախագահ Հովիկ Աբրահամյանը ցավակցական հեռագիր է հղել Սուրեն Ավդալբեկյանի մահվան կապակցությամբ: Հեռագրում մասնավորապես ասվում է.
«Խորապես վշտացած եմ անվանի բժիշկ-վիրաբույժ, ակադեմիկոս Սուրեն Ավդալբեկյանի մահվան կապակցությամբ:
Հայկական բժշկությունը կորցրեց բժշկի ու մանկավարժի, գիտնականի և մի անձնավորության, ով մինչև կյանքի վերջին օրերը շարունակում էր աշխատել նույն եռանդով և նվիրումով՝ նպաստելով հայկական բժշկության ու առողջապահական համակարգի զարգացմանը, իր գիտելիքներն ու հարուստ փորձը փոխանցելով բժիշկների մի քանի սերունդների: Սուրեն Ավդալբեկյանը ոչ միայն փայլուն գիտնական էր, այլև hրաշալի մարդ, ով մեծ հարգանք ու համակրանք էր վայելում իր շրջապատում:
Հայտնում եմ իմ խորին ցավակցությունը Սուրեն Ավդալբեկյանի բոլոր հարազատներին ու մերձավորներին»:
