Աբովյան-Մոսկովյան փողոցների գետնանցումից շուտով էլ չենք կարողանա գիրք գնել: Գրավաճառներից մեկը PanARMENIAN.Net-ի թղթակցի հետ զրույցում ասաց, որ գրքերը հիմա հնարավոր ամենաէժան գնով են վաճառում, որովհետև արդեն հավաքում են դրանք ու այդտեղ` գետնանցումում այլևս չեն վաճառելու:«Գետնանցումը վարձակալվել է: Տերը եկել ասել է, որ հավաքվենք, գնանք, վերանորոգում է սկսում», - ասաց գրավաճառը:
PanARMENIAN.Net-ը դիմել է քաղաքապետարանին` իմանալու, թե երբ կավարտվի վերանորոգումը, վերանորոգումից հետո գետնանցումում նորից գրքեր կվաճառվեն, թե ոչ: Պատասխանը կհրապարակենք ստանալուն պես: