77 տարեկանում մահացել է հայտնի գրող, երգիծաբան, բանաստեղծ և հրապարակախոս Արամայիս Սահակյանը: Այս մասին PanARMENIAN.Net-ը տեղեկացավ Քանաքեռ-Զեյթուն բժշկական կենտրոնից, որտեղ արդեն մի քանի օր է գտնվում էր գրողը:
Արամայիս Սահակյանը երկար տարիներ հրատարակել և ղեկավարել է «Ոզնի» երգիծական հանդեսը: Աշխատել է Հանրային հեռուստաընկերությունում։ ՀԼԿԵՄ մրցանակակիր է:
Արամայիս Սահակյանը նաև համամիութենական երաժշտական մրցույթի դափնեկիր է: Նրա գրած տեքստերով բազմաթիվ հայտնի երգեր կան: