Կիասապաշտպան Էդգար Մալաքյանը արդեն երկար ժամանակ է հանդես է գալիս Չեխիայում: Նախ նա խաղացել է Վիկտորիայի «Պլզեն», իսկ հիմա նաև «Դինամո» (Չյսկյե Բուդեյովիցե) ակումբներում: Հայաստանի հավաքականի կիսապաշտպանը խոստովանեց, որ լավ ծանոթ է չեխական ֆուտբոլին: Նա գտնում է, որ Չեխիայի ընտրանին ցուցադրում է թիմային ֆուտբոլ և անհատապես ուժեղ ֆուտբոլիստներ չունի:
«Յուրաքանչյուր դարպասապահի էլ հնարավոր է գոլ խփել: Ես հավատում եմ, որ մեր ֆուտբոլիստներին կհաջողվի գրավել Պետեր Չեխի դարպասը: Մենք պատրաստ ենք չեխերի հետ դիմակայությանը, և կորուստները չեն ազդի խաղի ելքի վրա»,- ասաց Էդգար Մալաքյանը:
Ֆուտբոլիստի համոզմամբ` Հայաստանի ընտրանին հզոր է իր համախմբվածությամբ և պայքարելու ունակությամբ:
Հայաստան-Չեխիա հանդիպումը կայանալու է մարտի 26-ին, Վազգեն Սարգսյանի անվան հանրապետական ստադիոնում:
