Ազատ ոճի ըմբշամարտի Եվրոպայի առաջնությունում Հայաստանի վերջին ներկայացուցիչ Մուսա Մուրթազալիևը (84կգ) իր ելույթը սկսել է 1/8 եզրափակչից: 10:0 հաշվով նա հաղթել է սլովակ Միխաել Բոդնարին և քառորդ եզրափակչում կհանդիպի ուկրաինացի Իբրահիմ Ալդատովի հետ:

Ավելի վաղ Հայաստանի ազատ ոճի հավաքականի կազմում ոսկե մեդալ է նվաճել Դավիթ Սաֆարյանը (66կգ):

Մարտի 23-ին կմեկնարկեն հունահռոմեական ոճի ըմբիշները: Հայաստանի հավաքականի կազմում հանդես կգան Հարություն Հովհաննիսյանը (55կգ), Ալեքսան Միքայելյանը (60կգ), Սասուն Ղամբարյանը (66կգ), Ռաֆիկ Մանուկյանը (74կգ), Արթուր Շահինյանը (84կգ), Արթուր Ալեքսանյանը (96կգ) և Վաչիկ Եղիազարյանը (120կգ):