Այսօր Թբիլիսիում ընթանում են ազատ ոճի ըմբշամարտի Եվրոպայի առաջնության վերջին գոտեմարտերը: Մինչև 84կգ քաշային կարգում Հայաստանը ներկայացնում է Մուսա Մուրթազալիևը:
Քառորդ եզրափակչում Մուրթազալիևը մենամարտեց ուկրաինացի Իբրահիմ Ալդատովի հետ: Առաջին մրցափուլում Մուրթազալիևը հաղթեց 3:0 հաշվով, սակայն երկրորդում զիջեց նույն հաշվով: Վերջին մրցափուլում նա հաղթեց 2:1 հաշվով և դուրս եկավ կիսաեզրափակիչ:
Այնտեղ նրա մրցակիցը կլինի Պիոտր Յանուլովը Մոլդովայից:
Ավելի վաղ Մուրթազալիևը հաղթել էր սլովակ Միխաել Բոդնարին: