Թբիլիսիում ընթացող հունահռոմեական ոճի ըմբշամարտի Եվրոպայի առաջնությունում գոտեմարտեր են ընթանում չորս քաշային կարգերում:
Վաչիկ Եղիազարյանը 120 կգ քաշային կարգում դուրս է եկել առաջնության քառորդ եզրափակիչ : Նա երկու մրցափուլերում 3:0 հաշվով հաղթել է չեխ Դավիթ Վալային: Եղիազարյանի հաջորդ մրցակիցը կլինի Եվգենի Օռլով (Ուկրաինա)-Շոհրուդդի Այուբով (Ռուսաստան) զույգի հաղթողը:
1/8 եզրափակիչ են դուրս եկել նաև Ալեքսան Միքայելյանը (60կգ), և Արթուր Ալեքսանյանը (96կգ): Իսկ Հարություն Հովհաննիսյանը (55կգ) դեռ չի սկսել ելույթը, նա 1/8 եզրափակչում կմենամարտի գերմանացի Բերնարդ Ֆաբիան Շմիտի հետ: