Թբիլիսիում շարունակվում է Եվրոպայի հունահռոմեական ըմբշամարտի առաջնության վերջին օրը: Ելույթ են ունենում 66, 74 և 84 կգ քաշային կարգի ըմբիշները:

Շարունակում է հաջող ելույթ ունենալ Արթուր Շահինյանինը, նա 1/8 եզրափաչկում հաղթանակի հասավ Պետեր Բեչսիի (Հունգարիա) նկատմամբ: Մինչ այդ Շահինյանը հաղթել էր Դամիան Յանիկովսկուն (Լեհաստան): Քառորդ եզրափակչում նրա մրցակիցը կլինի Վելի Հալքլան (Ֆինլանդիա):

Ռաֆիկ Մանուկյանը (74 կգ) 1/8 եզրափակչում 2:3 հաշվով զիջեց Սերեֆ Թուֆենկին (Թուրքիա):

Սասուն Ղամբարյանը (66 կգ) առաջին գոտեմարտում հաղթեց Տերրո Վալիմակիին (Ֆինլանդիա), իսկ քառորդ եզրափակչում զիջեց Աթաքան Յուկսելին (Թուրքիա):

Հայ հունահռոմեականներից երկրորդ տարին անընդմեջ Եվրոպայի չեմպիոնի կոչումը նվաճեց Օլիմպիական խաղերի բրոնզե մեդալակիր Արթուր Ալեքսանյանը, իսկ Վաչիկ Եղիազարյանը դարձավ բրոնզե մեդալակիր: