«Ժառանգություն» կուսակցության նախագահ Րաֆֆի Հովհաննիսյանը ևս մեկ անգամ հիշեցնում է, որ ինքը մեկնաբանում է միայն Սերժ Սարգսյանի հայտարարությունները: Ազատության հրապարակում, անդրադառնալով ՀՀ նախագահի մամուլի խոսնակ Արմեն Արզումանյանի հայտարարությանը, Րաֆֆի Հովհաննիսյանն ասաց, որ եթե «Ժառանգություն» կուսակցության մամուլի խոսնակ Հովսեփ Խուրշուդյանը հարմար գտնի, ապա կպատասխանի Արմեն Արզումանյանին:
«Հերթական խեղաթյուրումն է, ես ցավում եմ դրա համար: Բոլոր դեպքերում մեր մոտեցումը շատ հստակ է, երկրի փրկությանն ուղղված է: Եվ ոչ երբեք վերջնագիր: Թող ոչ մեկը իմ խոսքը չխեղաթյուրի իր մանր շահի համար: Մեր առաջարկը ևս մնում է ուժի մեջ»,-ասաց Րաֆֆի Հովհաննիսյանը