Թուրքիան Կիպրոսի Հանրապետությանն է փոխանցել բազմամյա Կիպրոսի խնդրի կարգավորման նոր ծրագիրը: Ծրագիրը նախապատրաստվել է, հաշվի առնելով նավթի ու գազի հետախուզման աշխատանքները կղզու ջրային տարածքում: Նրա բովանդակությունը հրապարակել է Թուրքիայի ԱԳ նախարար Ահմեդ Դավութօղլուն:

Ըստ նրա ծրագիրը ներառում է երեք այլընտրանք: Առաջինը նախատեսում է միասնական պետության ստեղծում Կիպրոսում և ածխաջրածինների համատեղ հետախուզում հույն և թուրք համայնքների կողմից: Եթե առաջին տարբերակը չընդունվի, առաջարկվում է կազմավորվել համատեղ կոմիտե, որը կզբաղվի էներգակիրների մշակման ու իրացման հարցերով: Եթե երկրորդ տարբերակն էլ ձախողվի, Անկարան առաջարկում է լուծել Կիպրոսի հարցը երկու պետությունների գոյության հիման վրա, հայտնում է ՌԻԱ Նովոստին: