Փհենյանի կողմից Հարավային Կորեային պատերազմի հայտարարումը սխալ թարգմանության արդյունք է եղել: Հակառակ օտարերկրյա ԶԼՄ-ներում հայտնված հաղորդագրությունների, օրիգինալ տեքստում ասվում է միայն, որ Հյուսիսային Կորեան գործելու է «ռազմական ժամանակի օրենքներով» իր դեմ սադրանքի դեպքում, որոնք կարող են վերաճել «լայնածավալ պատերազմի» կամ նույնիսկ «միջուկային» պատերազմի:
Հայտարարության մեջ ասվում է, որ թշնամական սադրանքների դեպքում հարվածներ կհասցվեն ԱՄՆ ռազմակայաններին Հավայներում, Գումա կղզում, Հարավային Կորեայի տարածքում:
Ինչպես հայտնում է «Ռենհափ» գործակալությունը, ռազմական աղբյուրների վրա հղումով, «հյուսիսկորեական զորքերի տեղաշարժ չի արձանագրվել»: