Սլովենիայի Պետական ժողովը վավերացրել է Եվրամիությանը Խորվաթիայի միանալու մասին համաձայնագիրը, հայտնում է սլովենական STA գործակալությունը:
«Համաձայնագրի վավերացումը ցույց է տալիս, թե ինչպես է պետք պահպանել հարաբերությունները հարևանների միջև»,-ասել է խորհրդարանում Սլովենիայի վարչապետ Ալենկա Բրատուշեկը:
Համաձայնության վավերացման օգտին է քվեարկել 82 պատգամավոր, դեմ՝ ոչ մեկը:
Համաձայնագիրը պետք է վավերացնի ևս երկու երկիր՝ Դանիան ու Գերմանիան: