Մայրության և գեղեցկության տոնի առիթով, մայրաքաղաքի տարբեր հատվածներում մեկնարկած տոնական միջոցառումները լի էին հաճելի անակնկալներով:
Կանանց ու աղջիկներին էր նվիրված նաև Աջափնյակ վարչական շրջանում կազմակերպված ջազային կատարումներով ուղեկցվող համերգը: Աջափնյակցիները հնարավորություն ունեցան երիտասարդ ջազմենների կատարմամբ ունկնդրելու ինչպես հայկական, այնպես էլ համաշխարհային լավագույն ջազային ստեղծագործությունները:
Երևանի քաղաքապետարանի տեղեկատվության և հասարակայնության հետ կապերի վարչությունից հայտնում են, որ տոնական միջոցառումը շարունակվելու է մինչև ուշ երեկո: