«Դոնբաս Արենայում» տեղի է ունեցել Դոնեցկի «Շախտյորի» կիսապաշտպան Հենրիխ Մխիթարյանի հանդիպումը ԶԼՄ-ների հետ:
«Ինձ համար կարևոր չէ, կերգի Գայտանան «Շախտյորի» երգը հայերեն, թե ոչ: Այժմ ես մտածում եմ միայն այն մասին, թե ինչպես օգնեմ իմ թիմին հասնել Ուկրաինայի չեմպիոնի տիտղոսին: Ինձ համար կարևորը թիմային խաղն է, սակայն եթե հնարավոր լինի գերազանցել Ստարուխինի ռեկորդը, դա նույնպես հաճելի կլինի»,-Մխիթարյանի խոսքն է մեջբերում HotSport.ua-ն:
Կիսապաշտպանը նշել է, որ այժմ ժամանակը չէ խոսել անգլիական ակումբ տեղափոխվելու մասին, քանի որ իր սիրտը Դոնեցկում է: