Այսօր ԱԳ նախարարի պաշտոնակատար Էդվարդ Նալբանդյանն ընդունեց Մոլդովայի փոխարտգործնախարար Անդրեյ Պոպովին:
Հանդիպման ընթացքում զրուցակիցները քննարկեցին երկկողմ օրակարգային հարցեր, երկուստեք հետաքրքրություն ներկայացնող մի շարք միջազգային և տարածաշրջանային խնդիրներ, հայտնում է ԱԳՆ մամլո ծառայությունը:
Կարևորվեցին երկու երկրների միջև քաղաքական, տնտեսական, մշակութային, հումանիտար ոլորտներում համագործակցությունը, միջխորհրդարանական փոխգործակցությունը, իրավապայմանագրային դաշտի ընդլայնումը, արտաքին գործերի նախարարությունների միջև խորհրդակցությունների անցկացումը: