Նախագահ Սերժ Սարգսյանն այսօր ընդունել է Եվրասիական տնտեսական հանձնաժողովի կոլեգիայի նախագահ Վիկտոր Խրիստենկոյին: Հանդիպմանը զրուցակիցները կարևորել են փոխշահավետ տնտեսական համագործակցություն զարգացնելու նպատակով ակտիվ երկխոսություն հաստատելու երկկողմ ձգտումը: Հանրապետության նախագահը նշել է, որ Հայաստանը մշտապես հետաքրքրված է եղել հետխորհրդային տարածքում ինտեգրացիոն գործընթացների խորացմամբ և հանդես է եկել այդ ուղղությամբ գործնական աշխատանքներն առաջ տանելու դիրքերից, հատնում են նախագահի աշխատակազմի մամուլի ծառայությունից:
Անդրադառնալով Հայաստանի կառավարության և Եվրասիական տնտեսական հանձնաժողովի միջև երեկ ստորագրված հուշագրին՝ Վիկտոր Խրիստենկոն ընդգծել է, որ այդպիսով փոխգործակցության համար կողմերը կազմակերպչական պայմաններ ստեղծեցին: Եվրասիական տնտեսական հանձնաժողովի կոլեգիայի նախագահը ՀՀ նախագահին ներկայացրել է հանձնաժողովի և Հայաստանի միջև համագործակցության հնարավոր ուղղությունները:
