Աջափնյակի Սիսակյան փողոցի 3-րդ շենքի իրավիճակին տեղում ծանոթանալու նպատակով այսօր ՀՀ քաղաքաշինության նախարարի պաշտոնակատար Սամվել Թադևոսյանն այցելել է վերոնշյալ շենք:
Նախարարը հանդիպել է շենքի բնակիչների հետ, որոնք մանրամասն ներկայացրել են ոչ միայն շենքի վթարային վիճակը, այլև ջրերի արտահոսքի հետևանքով առաջացած սանհանգույցի, տանիքի, նկուղի հետ կապված խնդիրները:
Խնդիրն ամբողջությամբ ուսումնասիրելու և նշյալ հանրակացարանում բնակվող ընտանիքներին անվտանգ բնակելի տարածքի վերաբերյալ հնարավոր լուծումներ առաջարկելու նպատակով`Ս.Թադևոսյանը հանձնարարել է ստեղծել հանձնաժողով:
Այս խնդրի վերաբերյալ նախորդ օրը խորհրդարանում կառավարության հետ հարցուպատասխանի ժամանակ հարց էր բարձրացրել նաեւ ՕԵԿ խմբակցության ղեկավար Հեղինե Բիշարյանը: Դեռևս 2007 թվականի «ՀայՍեյսմՇինի» եզրակացությամբ շենքի վթարայնությունը դասվել է 4-րդ աստիճանի: