Արգենտինայի թենիսի հավաքականի մարզիչ Մարիանո Սաբալետան BATennis.com կայքին տված հարցազրույցում պատմել է, որ Դավիթ Նալբանդյանը կարող էր ավարտել իր պրոֆեսիոնալ մարզիկի կարիերան, եթե հավաքականը պարտվեր Ֆրանսիային Դևիսի գավաթի քառորդ եզրափակչում:
«Եթե մենք պարտվեինք Ֆրանսիայից, ապա Դավիթ Նալբանդյանը կավարտեր իր կարիերան: Սակայն հիմա նա շատ գոհ է հաղթանակից ու ասել է, որ ջանասիրաբար մարզվելու է, որպեսզի մինչ Չեխիայի հետ կիսաեզրափակիչ խաղը պատրաստ լինի մենախաղում հանդես գալ»,-ասել է նա:
Սաբալետան նշել է, որ իրենք միշտ օգնելու են Նալբանդյանին, որպեսզի նա ճիշտ մարզվի: