Վլադիմիր Հակոբյանը Դուբայի մրցաշարում 6 միավորով 7-րդ տեղում է
Դուբայում ավարտին է մոտենում շեյխ Ռաշիդ իբն Համդան ալ Մաքտումի գավաթի շախմատի մրցաշարը:
8-րդ տուրում Վլադիմիր Հակոբյանը միավորները կիսել է հնդիկ շախմատիստ Շեհար Գանգուլի հետ և 6 միավորով 7-րդ տեղում է: Գաբրիել Սարգսյանը հաղթել է Պուրի Դարինին (Հնդկաստան) և նույնպես ունի 6 միավոր: Նա 10-րդ տեղում է: Հովիկ Հայրապետյանը հաղթել է Սարահ Հուլտային (Գերմանիա):
Մրցաշարի առաջատարը ռուսաստանցի Ալեքսանդր Ռախմանովն է 7 միավորով:
Տիգրան Պետրոսյանը զիջել է Սալեհ Սալեմին (ԱՄԷ), Մարկ Բասենչյանը՝ Հուլիոս դը Ռամոսին (Ֆիլիպիններ), իսկ Լիլիթ Գալոյանը՝ Սունդարա Սյամին (Հնդկաստան):
