Հանրապետական կուսակցության փոխնախագահ Արմեն Աշոտյանը «Ֆեյսբուք» սոցիալական ցանցի իր էջում ամփոփել է Երևանի ավագանու ընտրությունների քարոզարշավի մեկ շաբաթը:
«Ավարտվեց Երևանի քաղաքապետի ընտրությունների քարոզարշավի առաջին շաբաթը: Ակնհայտ դարձավ, որ`
Ոչ իշխանական քաղաքական ուժերին չի հաջողվել ընտրությունները մայրաքաղաքային տնտեսությունից տեղափոխել քաղաքական հարթություն:
Բացի Տարոն Մարգարյանից որևէ այլ պոտենցիալ քաղաքապետացու այդպես էլ չնշմարվեց:
Ոչ իշխանական ուժերը, թեպետ չունեն միասնական գործելու և ոչ մի ծրագիր, միավորվել են միայն մեկ ուղղությամբ` լայնածավալ հակաքարոզչություն Տարոն Մարգարյանի դեմ:
Դրանցից ոմանք չեն խորշում անգամ ամենանողկալի միջոցներից, խախտելով բազում չգրված օրենքներ և բարոյական նորմեր:
Արտաքուստ իբր բարեկիրթ, իսկ սոցիալական ցանցերում սանձարձակ և զարհուրելի պահվածք որդեգրածները այդպիսով ընդամենը ընդգծում են իրենց քաղաքական և բարոյական սնանկությունը»,- գրել է ՀՀԿ փոխնախագահը:
