Հայաստանի արտգործնախարարի պաշտոնակատար Էդվարդ Նալբանդյանն այսօր մասնակցել է ՀՀ ԱԳՆ-ի, Հայաստանում ՄԱԿ-ի գրասենյակի, «Արմենիա Թրի Փրոջեքթ» բարեգործական հիմնադրամի Երևանի Ավան համայնքում կազմակերպված ծառատունկին:

Ծառատունկի ընթացքում ՀՀ-ում հավատարմագրված դեսպանների և միջազգային կազմակերպությունների ներկայացուցիչները, ԱԳՆ աշխատակիցները շուրջ 350 ծառ են տնկել։ Այն իրականացվել է «Հայաստան ծառատունկ» ծրագրի շրջանակներում: