ԱՄՆ պետքարտուղար Ջոն Քերին ելույթ է ունեցել Պետքարտուղարության բյուջեի քննարկմանը ԱՄՆ Կոնգրեսի Ներկայացուցիչների պալատի արտաքին կապերի կոմիտեում: Ինչպես հայտնում է Anadolu գործակալությունը, Քերին, պատասխանելով կոնգրեսականների հարցին Թուրքիայի մասին, անդրադարձել է Ղարաբաղի ու Կիպրոսի խնդիրներին: «Թուրքիան մեզ հետ քննարկումներ է անցկացնում ի նպաստ Լեռնային Ղարաբաղի և Կիպրոսի խնդիրների լուծման: Կարծում եմ, Թուրքիան այդ հարցերում հանդես կգա կառուցողական դիրքերից»,-ասել է ԱՄՆ պետքարտուղարը: