Միխայիլ Տալի հուշամրցաշարի կազմակերպիչները հրապարակել են այն շախմատիստների անունները, ովքեր ելույթ կունենան այս տարվա մրցաշարին:
Լևոն Արոնյանը, որը միշտ ելույթ է ունենում Տալի հուշամրցաշարում, այս տարի չի մասնակցի: Արոնյանը երեք անգամ դարձել է Հուշամրցաշարի հաղթող՝ 2006-ին, 2010 և 2011թ.:
Տալի 8-րդ հուշամրցաշարը կկայանա Մոսկվայում հունիսի 12-24-ը: Կմասնակցեն Մագնուս Կարլսենը (Նորվեգիա), Վլադիմիր Կրամնիկը (Ռուսաստան), Սերգեյ Կարյակինը (Ռուսաստան), Վիշվանաթան Անանդը (Հնդկաստան), Ֆաբիանո Կարուանան (Իտալիա), Հիկարու Նակամուրան (ԱՄՆ), Շահրիյար Մամեդյարովը (Ադրբեջան), Ալեքսանդր Մորոզևիչը (Ռուսաստան), Բորիս Գելֆանդը (Իսրայել) և Դմիտրի Անդրեյկինը (Ռուսաստան):