Ապրիլի 24-ի առավոտյան Թել Ավիվում Թուրքիայի դեսպանատան մոտ հանրահավք տեղի կունենա ի հիշատակ Հայոց ցեղասպանության զոհերի: Ակցիայի կազմակերպիչն է Իսրայելի հայերի «Արարատ» միությունը, որը ստացել է ոստիկանության թույլտվությունը: Ինչպես PanARMENIAN.Net-ին է հայտնել Միության մամլո քարտուղար Մենդել Կորսունսկին, ապրիլի 24-ին ողջ աշխարհում հիշում են Ցեղասպանության զոհերի հիշատակը: Ցուցարարները Թել Ավիվում կպահանջեն Թուրքիայի իշխանություններից ճանաչել սարսափելի ողբերգության փաստը և չուրանալ պատմական իրողությունը: