Աֆղանստանում 5,7 մագնիտուդով երկրաշարժ է տեղի ունեցել
Աֆղանստանում 5,7 մագնիտուդով երկրաշարժ է տեղի ունեցել, հայտնում է ԱՄՆ երկրաբանական ծառայության կայքը: Երկրաշարժի էպիկենտրոններն են Մեհթարլանն ու Ջելալաբադը:
Ինչպես հայտնում է «Ռոյթերս» գործակալությունը, ցնցումները զգացվել են նաև Հնդկաստանի մայրաքաղաքում, ինչպես նաև Քաշմիրի շրջանում: Տուժածների ու ավերածությունների մասին ոչինչ չի ասվում:
