Ապրիլի 25-ին ֆիզիկական կուլտուրայի հայկական պետական ինստիտուտում անցկացվել է սեմիներ, որին մասնակցում են Երևանի, Հայաստանի տարբեր մարզերի և Արցախի երկու տասնյակ մարզիչներ: Այն վարում է հանդբոլի միջազգային ֆեդերացիայի ներկայացուցիչ Իգոր Շեստակովը (Նորվեգիա):
Նա տեղեկացրել է, որ անդրադառնալու է հանդբոլի մարզումների անցկացման ժամանակակից մեթոդների մի շարք առանձնահատկություններին:
Օրվա ընթացքում երկու պարապմունք է նախախատեսված: Տեսական պարապմունքին կհաջորդի գործնականը:
Սեմինարը կշարունակվի նաև վաղը: Իսկ վերջում մասնակիցները քննություն կհանձնեն և կստանան հանդբոլի միջազգային ֆեդերացիայի հավաստագրեր: