Մոսկվայի «Սպարտակի» բժիշկ Միխայիլ Վարդապետովն ասել է, որ թիմի հարձակվող Յուրա Մովսիսյանն ավելի շատ բուժվում է, քան մարզվում:
«Սակայն օրգանիզմի առանձնահատկությունները թույլ են տալիս հուսալ, որ նա շուտ կապաքինվի: Հայ լեգիոները շատ շուտ է ապաքինվում նման վնասվածքներից: Պատկերացնում եք, նույնիսկ այս վիճակում, իսկ ախտորոշումը բավականին բարդ է, նա պայքարի է նետվում, մենք ստիպված ենք լինում զսպել նրան»,-Վարդապետովի խոսքն է մեջբերում bobsoccer.ru-ն:
«Սպարտակի» բժիշկը նշել է, որ հարձակվողը ցանկանում է օգնել թիմին, ուստի ձգտում է շուտ ապաքինվել: Մովսիսյանը վնասվածք էր ստացել ԲԿՄԱ հետ խաղում ու դուրս եկել շարքից երկու շաբաթով: