Դոնեցկի «Շախտյորը» Ուկրաինայի առաջնության 26-րդ տուրում Խարկովի «Մետալիստի» հետ ոչ ոքի` 1:1, խաղալուց հետո չորրորդ անգամ անընդմեջ դարձավ Ուկրաինայի չեմպիոն:

26 տուրից հետո «Շախտյորն» ունի 71 միավոր և անհասանելի է մյուս թիմերի համար:

Իսկ Հենրիխ Մխիթարյանը իր 100-րդ խաղն անցկացրեց «Շախտյորի» կազմում:

Նա 68 հանդիպում է ունեցել Ուկրաինայի Պրեմիեր լիգայի շրջանակներում, 9-ը՝ Ուկրաինայի գավաթի, 2-ը՝ Ուկրաինայի Սուպերգավաթի և 21-ը՝ եվրոգավաթներում: