Ապրիլի 26-ից մայիսի 10-ը Հայաստանի բռնցքամարտի ընտրանին հավաք է անցկացնում Ծաղկաձորում՝ պատրաստվելով Եվրոպայի առաջնությանը:
PanARMENIAN.Net-ի թղթակցի հետ զրուցում հավաքականի գլխավոր մարզիչ Կարեն Աղամալյանն ասել է, որ իրենք աշխատում են ֆիզիկական պատրաստվածությանն վրա, իսկ մայիսի 1-ին սպարինգներ են ակցակցրել ռուս մարզիկների հետ:
«Մենք համատեղ հավաք ենք անցկացնում ռուս բռնցքամարտիկների հետ: Ռուսաստանի հավաքականը Ծաղկաձոր է ժամանել երեք թիմերով, որոնց կազմում 52 բռնցքամարտիկ կա: Հավաքն անցնում է շատ լավ, այս պահի դրությամբ ես գոհ եմ մեր թիմի պատրաստածությունից»,-ասել է Աղամալյանը:
Մայիսի 10-ին ընտրանին կհավաքվի արդեն Երևանում, իսկ 19-29-ը Կիևում համատեղ հավաք կանցկացնի Ուկրաինայի, Ֆրանսիայի, Իռլանդիայի, հավանաբար, նաև Ադրբեջանի հետ:
«Դա կլինի նախապատրաստման վերջին փուլը, իսկ արդեն հունիսի 1-ից մեր բռնցքամարտիկները կմեկնարկեն Մինսկում կայանալիք Եվրոպայի առաջնությանը»,-հավելել է մարզիչը: