ԱՄՆ-ում հաջողությամբ փորձարկել են գերձայնային X-51A Waverider հրթիռը: Այդ մասին մայիսի 3-ին հայտնել է ԱՄՆ ՌՕՈւ պաշտոնական կայքը:

Փորձարկումները Խաղաղ օվկիանոսի շրջանում անց են կացվել դեռ մայիսի 1-ին: Հրթիռը գործարկվել է B-52 ինքնաթիռից 15 200 մ բարձրության վրա և հետո արագացուցչի օգնությամբ բարձրացել է 18 200 մ բարձրության վրա: Թռիչքի ժամանակ, որը տևել է վեց րոպե, X-51A Waverider-ի արագությունը հասել է ժամում 6100 կմ: Անցնելով 426 կմ հրթիռն ինքնաոչնչացվել է: