ԱՄՆ ՀԴԲ և ոստիկանության աշխատակիցները ձերբակալել են Մինեսոտայի նահանգում ահաբեկչության համար կասկածյալին, ասվում է ՀԴԲ հայտարարության մեջ:
«ՀԴԲ աշխատակիցները գտնում են, որ իրավապահ մարմինները կանխել են ահաբեկչական գործողությունը և փրկել բազում տեղաբնակների կյանքեր»,-ասվում է հաղորդագրության մեջ:
Ոստիկանները մայիսի 3-ին ձերբակալել են Մոնտեվիդեոյի 24-ամյա բնակիչ Բաֆորդ Ռոջերսին: Նրա տանը հայտնաբերվել են պայթուցիկ խառնուրդով շշեր, ինքնաշեն ռումբեր, հրացաններ ու Կալաշնիկովի ինքնաձիգներ:
Հետագայում Ռոջերսին մեղադրանք ներկայացվեց զենք պահելու համար: