Հայաստանի տրանսպորտի եւ կապի նախարար Անդրանիկ Մանուկյանն այսօր ասել է, որ հայկական կողմը պատրաստ է «անհապաղ մասնակցություն» ունենալ Աբխազական երկաթգծի վերականգնողական աշխատանքներին: Նա նշել է, որ ռուս, վրացի եւ աբխազ փորձագետներն արդեն ավարտել են երկաթուղային հատվածի իրավիճակի հետազոտումը, եւ այժմ Ռուսաստանի, Վրաստանի եւ Աբխազիայի իշխանությունները պետք է քաղաքական որոշում կայացնեն շինարարական փուլը սկսելու մասին: Ռուսաստանի տրանսպորտի նախարար Իգոր Լեւիտինը այսօր Թբիլիսիում հայտարարել է, որ Ռուսաստանը եւ Վրաստանը պայմանավորվել են Սոչի-Թբիլիսի երթուղով երկաթուղային հաղորդակցության վերականգնման աշխատանքները սկսելու մասին: Նրա խոսքերով, ռուս-վրացական միջկառավարական հանձնաժողովի այսօր կայացած նիստի արձանագրությունում ընդգրկվել է կետ, որի համաձայն կողմերը սկսում են Աբխազիայի տարածքով Ռուսաստանից Վրաստան երկաթուղու վերականգնումը: