Թուրքիայի Գերագույն վերաքննիչ դատարանը չեղյալ է հայտարարել որոշումները, որոնք արդարացրել են «Ակոս» թերթի խմբագիր Հրանտ Դինքի սպանության մեղսակիցներին՝ նշելով, որ սպանությունը կատարել է զինյալ հանցագործների մի խումբ: Դատավճռում ասվում է, որ դատարանը հաստատել է դատավճիռներն ու չեղյալ համարել նրանց արդարացնելու մասին որոշումները: Նախորդ որոշումը, ըստ որի ավազակախումբը ոչ մի կապ չունի Դինքի սպանության հետ, վիճահարույց էր: Ինչպես գրում է Hurriyet Daily News-ը, կասկածյալներին այժմ կրկին կդատեն Ստամբուլում:

5-ամյա դատավարությունից հետո 2012թ. հունվարի 17-ին դատարանը որոշեց, որ «խորքային պետությունը» անմասն է լրագրողի սպանությանը, չնայած այն փաստերին, որ մի շարք պետական ծառայողներ «անուղղակիորեն» մասնակցել են սպանության նախապատրաստմանը: