Կաննի 66-րդ միջազգային փառատոնը այսօր կբացվի ավստրալացի ռեժիսոր Բազ Լուրմանի «Մեծ Գեթսբին» ֆիլմով, որը նկարահանվել է Ֆիցջերալդի համանուն վեպի մոտիվներով:
Ակնկալվում էր, որ փառատոնին ցուցադրվելու է նաև Պեդրո Ալմոդովարի նոր աշխատանքը, սակայն արդյունքում նրա «Ես շատ գրգռված եմ» ֆիլմը մրցույթը չանցավ: Մասնակիցների թվում չկա նաև երկու տարի առաջ Կաննում անցանկալի անձ հայտարարված Լարս ֆոն Տրիերը:
Ռուսաստանից ներկայացված կարճամետրաժ ֆիլմերից 3-ի հեղինակները հայեր են: Նրանցից մեկը՝ «Ընկղմում կրակի մեջ» պատմում է 1915թ. իրադարձությունների մասին: Ֆիլմի լեզուն թուրքերենն է: Սա առաջին կարճամետրաժ ֆիլմն է թուրքերեն լեզվով, որը պատմում է Հայոց ցեղասպանության մասին:
Կինոփառատոնը կանցնի մայիսի 15-26-ը: Հիմնական մրցույթի ժյուրին կգլխավորի Սթիվեն Սփիլբերգը: