Երևանում տեղացած անձրևից հետո ՀՀ ԱԻ նախարարությունում ահազանգ է ստացվել, որ անձրևաջրերը կուտակվել են Երևանի Վաղարշյան փողոցի թիվ 15 շենքի մոտակայքում գտնվող նկուղային խանութի մուտքի մոտ, և վաճառողուհին մնացել է խանութում:
ԱԻՆ լրատվական ծառայությունից հայտնում են, որ հրշեջ-փրկարարները թիվ 18 շենքի նկուղային հարկում գտնվող խանութից դուրս են բերել 1993թ. ծնված Էմմա Թադևոսյանին, ով տեղափոխվել է «Սբ. Գրիգոր Լուսավորիչ բժշկական կենտրոն:
Գրեթե նույն պահին ահազանգ է ստացվել, որ անձրևի հետևանքով նույն փողոցի թիվ 20 շենքի մոտակայքում ավտոմեքենան ջրածածկվել է, վարորդը արգելափակվել է ներսում:
Հրշեջ-փրկարարները բացել են դիտահորը և ջրածածկումից դուրս բերել «Մերսեդես» մակնիշի 55OU552 պետհամարանիշի ավտոմեքենան (վարորդ` Համբարձումյան):