Բակո Սահակյան. ՀՀ ԱԺ հետ փոխգործակցությունը պահանջված ու կարևոր է
Արցախի Հանրապետության Նախագահ Բակո Սահակյանը մայիսի 18-ին ընդունել է Հայաստանի Հանրապետության Ազգային ժողովի արտաքին հարաբերությունների մշտական հանձնաժողովի մի խումբ անդամների` հանձնաժողովի նախագահ Արտակ Զաքարյանի գլխավորությամբ:
Հանդիպման ընթացքում քննարկվել են արտաքին քաղաքականության ոլորտում հայկական երկու հանրապետությունների խորհրդարանների համագործակցությանն առնչվող մի շարք հարցեր:
Նախագահ Սահակյանն ընդգծել է, որ տվյալ հարթությունում հնարավոր է հասնել շոշափելի հաջողությունների՝ հավելելով, որ այս համատեքստում Հայաստանի Հանրապետության Ազգային ժողովի հետ փոխգործակցությունը համարում է պահանջված ու կարևոր: Երկուստեք նշվել է կապերի էլ ավելի ընդլայնման ու խորացման անհրաժեշտությունը, ինչի համար առկա են բոլոր նախադրյալները:
