Հանրապետական սենատոր Ջոն Մաքքեյնը՝ ԱՄՆ նախագահի նախկին թեկնածուն և սիրիացի ապստամբներին ռազմական օգնություն ցուցաբերելու ամենաեռանդուն կողմնակիցներից մեկը, հանդիպել է ապստամբների հետ Սիրիա կատարած անսպասելի այցի ժամանակ:
Սենատորի մամլո քարտուղար Բրայան Ռոջերսը հաստատել է ապստամբների հետ Մաքքեյնի հետ հանդիպման փաստը, սակայն մանրամասներ չի հայտնել:
Սիրիայի ազատ բանակի Գերագույն ռազմական խորհրդի ղեկավար գեներալ Սալեմ Իդրիսը Daily Beast-ին տված հարցազրույցում հայտնել է, որ Մաքքեյնի այցը մեծ նշանակություն ունի և հատկապես կարևոր է այս ժամանակաշրջանում, քանի որ իրավիճակը կրիտիկական է:
Մաքքեյնը Սիրիա է այցելել Թուրքիայի տարածքով: