Բելգիան չի սպառազինի սիրիացի ապստամբներին
Բելգիան մտադիր չէ զենք մատակարարել Սիրիայի մարտնչող ընդդիմությանը, հայտարարել է Բելգիայի ԱԳՆ ղեկավար Դիդիե Ռեյնդերսը, հայտնում է «ՌԻԱ Նովոստի» գործակալությունը:
Սիրիային ԵՄ կողմից զենքի մատակարարման էմբարգոյի երկարաձգման հարցը առանցքային էր նախօրեին Բրյուսելում տեղի ունեցած ԵՄ անդամ 27 երկրների ԱԳՆ ներկայացուցիչների հանդիպմանը: 13-ժամյա բանակցություններից հետո նախարարները չկարողացան ընդհանուր հայտարարի գալ: Ըստ Ռեյնդերսի, Բելգիան, իր հերթին, մտավախություն ունի, որ զենքը Սիրիայում արդյունքում կհայտնվի «ոչ այն ձեռքերում», որ հարկավոր է:
