Հայաստանի 2012թ, պետբյուջեով նախագահի աշխատակազմին հատկացվել է 4,28 մլրդ դրամ նախատեսված 4,29 մլրդ դրամի դիմաց: Այդ մասին մայիսի 31-ին, ներկայացնելով 2012թ. բյուջեի կատարողականը, հայտնել է նախագահի աշխատակազմի ղեկավար Վիգեն Սարգսյանը:

Ինչ վերաբերում է ԱԺ աշխատակազմի և պատգամավորների պահպանման համար անհրաժեշտ ծախսերին, ապա 2012թ. պետբյուջեից այդ նպատակով հատկացվել է 2,7 մլրդ դրամ: Ինչպես հայտնել է խորհրդարանի աշխատակազմի ղեկավար Գուրգեն Դումանյանը, 2012թ.՝ 2011-ի համեմատ այդ ծախսերը էական փոխոխություններ չեն կրել: