Մոսկվայի քաղաքապետ Սերգեյ Սոբյանինը հայտարարել է հրաժարականի մտադրության մասին: Այդ մասին նա հայտարարել է Մոսկվայի Հանրային պալատի նիստում: Այդ մարմնի անդամները խորհուրդ են տվել նրան հեռանալ պաշտոնից՝ աշնանը քաղաքապետի վաղաժամ ընտրություններին մասնակցելու համար:
Ինչպես հայտնում է «ՌԻԱ Նովոստի» գործակալությունը, պաշտոնական դիմումը Սերգեյ Սոբյանինը կներկայացնի Վլադիմիր Պուտինին հունիսի 5-ին:
Ըստ Սոբյանինի, նա ցանկանում է, որ Մոսկվայում անցնեն քաղաքապետի ընտրություններ, որ Մոսկվան ետ չմնա մյուս շրջաններից: