Անցկացված հարցման արդյունքներով, որին մասնակցել են ավելի քան 100 ուկրանացի լրագրողներ, հաղթել է Դոնեցկի «Շախտյորի» հարձակվողական ոճի կիսապաշտպան Հենրիխ Մխիթարյանը, հաղորդում է «Սպորտ-արենան»:
Հայ ֆուտբոլիստը հավաքել է 215 միավոր և զգալիորեն առաջ անցել իր մոտակա մրցակիցներից` իր թիմակից Ֆերնանդինյոյից և Կլեյտոն Շավիերից, որը հանդես է գալիս «Մետալիստում»:
Այս մրցաշրջանում Մխիթարյանը գերազանցել է Ուկրաինայի առաջնության ռմբարկուական ռեկորդը` 29 խաղերում դառնալով 25 գոլի հեղինակ: