Արմավիրի մարզի կարկտահարության հետևանքով տուժած 1600 ընտանիքների կհատկացվի միանվագ դրամական օգնություն` 50 000 դրամի չափով: Ինչպես այսօր ասաց վարչապետ Տիգրան Սարգսյանը ՀՀ կառավարության նիստում, օգնություն ստացող ընտանիքների ցուցակները կփակցվեն գյուղապետարանների շենքին:
ՀՀ աշխատանքի և սոցիալական հարցերի նախարար Արտեմ Ասատրյանը հայտնեց, որ ՀՀ կառավարության պահուստային ֆոնդի հաշվին ՀՀ աշխատանքի և սոցիալական հարցերի նախարարությանը ընթացիկ տարվա ինն ամսում կհատկացվի 80 մլն դրամ: