Երթուղիների քանակը Ռուսաստանից Վրաստան կարող է ավելանալ, սակայն ներկայումս Վերին Լարսի անցակետը բավարար է: Այդ մասին հայտարարել է ՌԴ ԱԳՆ պետքարտուղար, փոխնախարար Գրիգորի Կարասինը հունիսի 5-ին Պրահայում Զուրաբ Աբաշիձեի հետ հանդիպման ավարտին, որը ՌԴ հետ հարաբերությունների կարգավորման գծով Վրաստանի վարչապետի հատուկ ներկայացուցիչն է:
«Երթուղիների քանակը Ռուսաստանից Վրաստան կարող է ավելանալ: Հեռանկարում կարելի է մտածել նաև այլ երթուղիների մասին, այդ թվում նաև «Կովկաս» նավահանգստով, ռուս-ադրբեջանական սահմանով: Սակայն դա ապագայում»,-ասել է Կարասինը: Կարասինը հայտարարել է, որ Մոսկվան պատրաստ է վերականգնել դիվանագիտական հարաբերույթունները Թբիլիսիի հետ, բայց ամեն ինչ կախված է վրացական կողմից: