Սիրիայի քրդերը կողմ են «Ժնև-2»-ի անցկացմանը
Սիրիայի Քրդերի բարձրագույն խորհրդի պաշտոնական ներկայացուցիչ Ահմադ Սուլեյմանը Մոսկվայում հայտարարել է, որ Խորհուրդը կողմ է «Ժնև-2» միջազգային խորհրդաժողովի անցկացմանը: Նա հույս է հայտնել, որ հնարավոր կլինի պայմանավորվածության հասնել:
«Մենք սիրիացիներ ենք, բայց նաև՝ քրդեր: Մենք իրավունքներ ունենք, որոնք պաշտպանում ենք, մենք նոր Սահմանադրության կողմնակիցներ ենք, որը թույլ կտա ժողովրդավարական պետություն կառուցել»,-ասել է նա:
Ահմադ Սուլեյմանը հաստատել է, որ քրդերը Սիրիայում սիրիական հանրության մաս են կազմում, նրանք անջատողական ձգտումներ չունեն: Նա ասել է, որ կան քրդական ջոկատներ, որոնք պաշտպանում են բոլոր քաղաքացիներին, անկախ ազգային և կրոնական պատկանելությունից, հայտնում է SANA գործակալությունը:
