Վարչապետի ու ազատամարտիկների հանդիպումն ավարտվեց. Հունիսի 16-ին հանրահավաք է լինելու
Քիչ առաջ ավարտվեց վարչապետ Տիգրան Սարգսյանի հանդիպումը մի խումբ ազատամարտիկների հետ: Հանդիպմանը ներկա ազատամարտիկ Վոլոդյա Ավետիսյանը PanARMENIAN.Net-ի թղթակցի հետ զրույցում ասաց, որ վարչապետը խոստացել է առաջիկա մեկ ամսվա ընթացքում իրենց սպառիչ պատասխան տալ.
« Վարչապետն էլ է մտահոգ: Պարզապես մենք էլ գիտենք, որ հարցը մեծ գումարների հետ է կապված: Մեկ ամսից պարզ կլինի՝ որքանով կկարողանա կառավարությունը աջակցել ազատամարտիկներին ու ի վերջո ինչ կլինի»,- ասաց Վոլոդյա Ավետիսյանը:
Վոլոդյա Ավետիսյանը տեղեկացրեց, որ մինչ իրենց կպատասխանեն, իրենք որոշել են հունսի 16-ին հանրահավաք անել. «Բոլոր ազատամարտիկները ներկա կլինեն, մենք պայքարելու ենք մինչև վերջ, բոլորին խնդրում ենք միանալ»:
Հիշեցնենք, որ ազատամարտիկները պահանջում են բարձրացնել իրենց թոշակները:
