ՈւԵՖԱ գլխավոր քարտուղարը կողմ է ԱԱ-2022 անցկացմանը ձմեռային շրջանում
ՈւԵՖԱ գլխավոր քարտուղար Ջաննի Ինֆանտինոն հայտարարել է, որ սատարում է ֆուտբոլի ԱԱ անցկացմանը Քաթարում ձմռանը:
Մարտի վերջում ՖԻՖԱ բժշկական դեպարտամենտի ղեկավար Միշել Դ՚ Հոոգեն դեմ արտահայտվեց ԱԱ անցկացմանն ամռանը սաստիկ շոգի պատճառով՝ Քաթարում ամռանը ջերմաստիճանը հասնում է + 40-ի:
Առաջնությունը հետաձգելու մասին որոշում կարող է կայացնել ՖԻՖԱ գործկոմը, սակայն սկզբում պետք է ստացվի հայտ ԱԱ-2022 կազմկոմիտեից, հայտնում է «Ռ-սպորտը»:
