Արցախի Հանրապետության նախագահ Բակո Սահակյանը հունիսի 6-ին այցելել է Մարտակերտի շրջանի Քոլատակ գյուղ, որտեղ հանդիպում է ունեցել համայնքի ներկայացուցիչների հետ և քննարկել բնակչության առջև ծառացած խնդիրները:

Երկրի ղեկավարը նշել է, որ գյուղում կիրականացվեն լայնածավալ ծրագրեր` ուղղված զբոսաշրջության և արդյունաբերության զարգացմանը: Նախագահը հատուկ ընդգծել է, որ գյուղացիները պետք է լինեն ավելի ակտիվ և նախաձեռնող, ինչը կարևոր է աշխատանքների հաջող ու արդյունավետ իրականացման համար: