Աֆղանստանում զինյալները հարձակվել են Քաբուլի օդանավակայանի վրա, որի պատասխանատվությունն իր վրա վերցրել է «Թալիբան» շարժումը, հաղորդում է Associated Press-ը:
Հարձակումը սկսվել է տեղական ժամանակով 04:30-ին, զինյալների խումբը գրավել է օդանավակայանի զորամասի հարևանությամբ կառուցվող շինությունը, որտեղից էլ հարձակվել են:
Նախնական տվյալների համաձայն`թիրախը եղել է օդանավակայանի հարևանությամբ գտնվող ՆԱՏՕ-ի շտաբը:
Տեռորիստների և օդանավակայանի անվտանգության ուժերի միջև մարտը տևել է մի քանի ժամ, յոթ զինյալ մահացել է:
Օդանավակայանը հարձկաման պահից դադարեցրել է չվերթները, Քաբուլի օդանավակայանի դիվանագիտական հատվածում տեղակայված դեսպանատները փակվել են: